"PIGI WARI"

Leppa leitana churiba nonga mitki piga amatta oiraduna nouraba maithongdubu chamthokli. Loutangshangda nong thuplibi louringbishingna nong thupkho khamlakli laknaboi nungsiboi. leikhom thoklaba khungangi lambida shakkhangdaba nupamacha aduna lakpada madutani tarakkhiba . adubu mahakti nong adubu onthokna nungshiri. Magi ikaibabu kanbibagi.kayada maning tamna sinthajariba mitlu pirangduna.

M.D.U. hallda seminar ama yaona yaona nupamacha adubu mitta shangsang urak-i. Pukning khangnung nungshirak-i. Kadomdagino khanghoude khaamba nanghoudana mit animak pina thumjillak-i. kamdouni pi taba yaba wa amattasu yaode paribasida. Nak yet ,tung manggi mit mayam maraksida pathokpa houraklaba pisi karamna khak-hangani. Ngahak mangda ‘ ingbana sidoure,nungsa yainingkhre mapanda’sonkhibi eina khutta pairiba barton cheduna pidu khaknaba humai humlui. inakta famlibi iche Shantina‘karino humai humgatlaklisina ingi hairammaga?!’hairamba khutsi chap leppi. Paokhum leite khumlunabagi, adubu pisidi chaetharakli asummak. Tapna bag manungda khut humjinduna rumal louthok-i. anok haifet thanggatlaga maithong luklap napthokkhiba pidu uramgadra khangde fammminaribisingduna.

Ching lemna lepliba matam ama magi punshibu maheigi mangal fanghanbikhibi schooldubu kanasu uroi khanjaba mafam amadgi mit kuptana yengjari. Pongjakhibani schoolsigi maheiroi oijabagi, maning tamjakhibani magi matambakta. Adubu ngasidi lamlanbani, inthokpiraklaba satrani. Chahi kaya school asigi bordingda leiduna lenkhiba mangao thiba satragi punsina khutlam toina kourakli. Adubu pina paokhum pijaba nattana khongkap ama thangjilluba ngamjade.leptuna yengli huranbagum piga nonga marup sannahalladuna.

Khakkhrada khanba pi amuk hekta ihourak-i. karamno eibu meena ngaore hainakhrani. Chatkhro nupamacha chatkhro.karigino nangna eigi thamoi thongjinda nunghiknana leplariba? . Meenungsi khangdaba ojasingduna tanthokpirakpagi cheinagi waridu horel achikpada tage.mee kana khanghandana kapminnasi.sidadi lakkanu,meena noknakhini.hall manungsidadi nongsu tabirakloi eigi ikaibabu ngakpinaba …

.........................................................................

Written By: Haobijam Chanu Prema